節日防中招攻略（黃色經濟版）

節日防中招攻略（黃色經濟版）

香港係世界上資本主義行得最盡嘅社會之一，同時又係世界上ＩＱ最高嘅地方，雖然香港人大多都仲係買唔到樓。原因除左樓價高，仲可能係因為一到大時大節，各大商家一定係劏到你一頸血！今年可能有點例外，因為反修例運動關係，香港本地消費市道疲弱。到10月11月很多旺角的街舖都開始有結業潮，有同路人因為不忍見到黃店面臨結業，所以8月開始了黃色經濟圈的構想，12月，算不算是要來一是黃店的大感謝祭？不過這是消費者給黃店的感謝祭，也能給其他不表態的商店一個示範作用，今年的聖誕除夕，不能放手不懲罰啊！

花點心思尋找低調黃店

我常說，黃色經濟圈一個最有趣的概念，在於由消費者帶動而造成一個財富再分配。你可以用自己有上的鈔票支持跟你同理念的人或商舖。但是過去多個月因為資訊未能系統化，能夠真正受惠到的就只有知名的4－5家黃店。消費力一下子集中到他們身上，未能像我之前的文章所說由點跳到圈。聖誕節除了食，還有禮物，娛樂，真正是食買玩的組合。趁還有時間，不妨做多少功課，過一個有心思，出心出力的黃色聖誕吧！

有用連結：

【終極整合】黃藍商戶地圖

小心選擇交通公具

除左食，最鍾意坐地起價就係交通。例如小巴，某ｄ的士之類會係大節日加價。大家要四圍去的話，窮生就建議先做好交通計劃，因為未知道港鐵會不會早關或取消平安夜和除夕等等特別日子的交通服務，大家出門時可以先了解一下回家的交通安排，以免半夜在街上被誤認為暴徒。

同時，而家都多左唔少Call車apps，收費都係市場定價/85折的。要車之前不妨睇睇有冇平，用app call，點都平過係街搵車坐！

交換禮物不如捐款

返工嘅人就最興搞埋呢Ｄ衰野，而交換禮物就係資本主義得黎又違反經濟學原則。你諗下十幾廿人個個黎自唔同背景，中到大家岩心水嘅野嘅機會率係幾低？再講大家又要玩，又要怕貴，set埋哂啲$50門檻，你咪迫住買埋哂Ｄ垃圾返黎囉！不如大家一齊一人煮一樣野返黎食仲開心，你唔識煮咪唯有自己俾錢叫囉。識嘅又可以慳返少少，又食得健康Ｄ！更有意義就係不如捐錢出黎幫助下冇錢開飯嘅年輕朋友，或者看看有沒有機會有個公開活動，一齊過聖誕，通過交流，真正認識下他們真正面對乜野，很有教育意義。

郊遊最抵玩

唔想咁政治，又可以一大班朋友去郊外野餐甚至露營玩下。因為例如聖誕一連幾日，出去食飯怕貴，而呢Ｄ食肆因為忙，所以聖誕期間質量一定比平時差，一來一回性價比超低。不過大家一齊去郊外BBQ，野餐，甚至露返一晚營，仲有返青春感覺啦！分分鐘仲可以識到朋友！

同居可以煮飯仔

如果你地係同居/已經結婚，咁呢個就易搞好多。可以買家餸鬥下廚藝，平啲又食得好啲之餘，兩人又可以多啲時間溝通，窮生成日放假都係咁同窮太過架！而家各大超市同黃色網購平台都有質素唔錯嘅食材，不妨買兩塊靚扒，買枝靚酒係屋企浪漫一下！

提升文化修養

放幾日假流流長，開Ｐ都開唔到咁耐o架？一於係最果1-2日去書店行下打下書叮。唔需要睇啲好深嘅書，先留意下暢銷書，了解下而家香港人讀書嘅口味。發掘下自己對於唔同類別書籍嘅興趣，話唔埋可以令你諗到一門生意出黎！如果真係睇岩，不妨買1-2返黎，咁你呢個假期就唔洗煩有咩做啦！

窮生一向都話，用得少錢唔代表一定係捱，令到自己生活變得簡單自在係品味嘅一種，亦係一種令你容易累積財富嘅生活方式。唔係叫你唔好行街，而係當你除左買野之外，都可以了解下店舖嘅運作同經營手法，咁去你行出街就做咩都學到野。距離財務自由又近一步！