日圓穿7算，識唱一定咁樣唱!
窮生除左儲錢理財，其實都會消費，得閒去日本玩下！近年因為日元回落，加個自己個人喜好，基本上九成旅遊都係揀日本！不過唔知係我黑仔定乜，我次次去親日本個Yen都會升一升俾我唱。經過2次慘痛經歷之後我先的起心肝，平時買定，唔好得去先黎唱。
我明白唱外幣，好多人鍾意去百年之類嘅找換店。不過正如我之前經驗所得，唱錢最好唔好係去旅行果陣先唱，尤其如果你會經常去同一個地方，唱定多少少係度都冇所謂。其次就係百年多數要排隊，加上係港島，如果唔係住港島就要專登過海唱錢，浪費車錢同時間。我自己唔係旅遊達人，所以之前對投資以外嘅外幣兌換唔係特別有研究。但係係偶然嘅機會下，我發現一個有左唔係好耐，但係幾方便嘅兌換方法，就係係恒生唱Yen。
我自己本身有用開恒生嘅綜合理財戶口，所以本時唱Yen我都會先係e-banking兌定日圓。例如好似而家日圓穿7算，但由於貿易戰關係，我個人認為日圓仲有下跌空間。咁嘅話我可以先唱少少，分注收集，過程好處係冇手續費又省時間。雖然銀行rate一定冇百年咁好，但係勝在方便，其實如果你唱10萬以內，基本上你擔心車錢好過啦！
當你係e-banking唱左之後，錢就入左你嘅外幣戶口備用，當你真係去旅行要用果陣，以前我就會打去銀行約時間攞，唔好處係要約時間同分行，我呢d打工仔都唔係成日有時間可以去銀行排隊，要排，不如去百年排啦！不過近年真係唔錯，恒生出左外幣提款機，基本上好多旺區都會有，而且因為冇收手續費，又唔洗一定office hour先攞得，得確係方便嘅！
呢個方法係base on大部分人都唔可以話，Yen跌喎！book機票去日本先！現實係好多人都係一早買定機票，攞定假去玩的。好似我對上一次去就係，日元上到0.0745呢啲水平，就算我係邊唱，都唔會唱得到而家呢個rate。 所以佢一穿7，其實我地可以先係e-banking買定少少，佢每下跌多15-20%又入多一注。咁有2個好處，一來你用親嘅yen都一定under7算，二來由於你可以係你去旅行之前，開返個海外提款功能，咁就可以做到萬無一失了。
注意事項:
不過要小心嘅野亦都有，尤其係如果你冇恆生卡係唔得嘅，滙豐卡都唔可以用得到呢部機。所以如果你係用滙豐卡，你就要用返滙豐嘅外幣提款機，以我所知而家係得呢2間銀行有外幣提款機。
另外提款上限當然都係有嘅，普通戶口一日可以提到相等於2萬港元，優越或優進理財戶口每日最高提款額就係3萬港元。
恒生外幣提款機位置:
窮一生，80年代末期出生，背負著香港地所有失敗者的標籤。
單親家庭、公屋仔、母語教育、唔靚仔、冇錢、讀乞食科、從事全香港公認最乞食的行業。
22歲由3萬元的總資產，12K的月薪開始上路，26歲儲到人生第一個100萬。2年後再把這100萬翻倍！
自小明白錢很重要的窮生，並沒有為此而變成為利是圖的人。
反而憑著理財的優勢支持自己繼續當這不能搵食的工作。
天生數字狂，乜都鍾意計一餐，卻反而是個設計工作者，相信人是立體的，人生也一樣。有了理財技能使我可以「窮一生」的追逐興趣！