窮生講電視-哲學有偈傾

窮生開page一年，由純粹講理財、投資，到而家多元化地講多左生涯規劃、職場甚至生活。主要原因係我認為咁做先可以發現到心態最重要、技術次之呢個概念。而窮生本人吸收資訊既渠道，就造就左今日既窮生。所以呢一年以來，不停有網友問我平時會睇開ｄ咩文章呀，什書呀之類，想窮生問書單。其實我自己既興趣因為太廣泛，有好多野如果叫大家睇又真係太離題。而好多書本身又要對某一個範疇有一定既知識先可以，所以我都唔敢亂介紹大家睇。

後來我諗下諗下，我自己從事多媒體創作行業，電視作為一個大眾化、落地既媒體。ｄ野唔深之餘又可以引發到大家興趣，可以以此作為起點，介紹下一ｄ窮生認為有「營養」既野俾大家睇。今次介紹既，就係港台電視３１逢星期一晚播出既清談節目<<哲學有偈傾

>>。由於窮生已經好耐冇開電視既習慣，我其實都唔清楚佢到底係幾多點播。因為我頭第一集開始到而家，都係上ｙｏｕｔｕｂｅ睇。我都建議大家係ｙｏｕｔｕｂｅ睇，比較方便快捷。

哲學落地靠港台？

呢個節目以哲學為題，咁大膽既題材睇怕真係要係呢個唔洗做生意既港台電視３１先做得出，由此可見港台作為市場以外一個半官方媒體既必要性！節目嘗試以淺白、生活化既角度，努力洗刷學究味道既方式去用哲學方法討論社會、人甚至生活既問題。有好多集你如果唔係睇到叫<<哲學有偈傾>>你根本唔知同哲學有關。我覺得呢個係推動哲學普及係好有效（如果有人睇既話）。為左呢樣野，窮生都寫文表示支持！

節目每集都會定一個落地既主題，例如：愛情、男女平等、文化認同、什麼是美、自由等等問題作出討論，主持人都係讀哲學出身的學院派，而就住個題目，都會請返最少一個唔係哲學出身而又同題目有關既嘉賓上黎討論。果處實踐同學院既交流又好衝擊又好。都令到成件事更加易入口，中學生都會聽得明。

提升民智學習思考

由於睇得窮生既人，都係對理財。姐係對錢有興趣，又因為大家都係香港人。主流都係唔搵錢既野冇興趣。所以我必先要強調，其實就算你對佢地果ｄ題目冇直接既興趣，睇完個節目都必定對你有益。因為你係聽佢地爭論既過程，你可以學習下佢地一班”哲人”諗問題既方法，點樣去質疑、定義、理順一ｄ概念。呢ｄ野其實對當大家做生涯規劃，甚至處世都有幫助。令到香港整體民智上升，<<哲學有偈傾>>可能係重要一步。

哲學有偈傾：當馬克思遇上亞當斯

嘉賓:

施永青（地產界人士）

覃俊基（左翼21成員）

哲學有偈傾：關鍵少數

嘉賓:

吳靄儀（融樂會副主席）

曾瑞明（香港中文大學哲學系兼任講師）

節目介紹:

http://www.rthk.hk/tv/dtt31/programme/philosophynight