極簡主義-窮L快樂的道路

近年極簡主義係日本開始起星星之火！唔知大家有冇睇過相關既文章，無論係一家人定一條友，佢間屋都係好似乜都冇咁，只要最基本要用既野，仲一定唔會預多。窮生睇左呢篇報導之後對極簡主義好感興趣，之後都study左唔少，發現當中有d野同窮生既價值觀都不謀而合，而當中一d精神其實都幾適合香港人去了解同反思一下。

現實少少講，極簡主義係好適合香港既窮L。原因一字記之曰：細！香港人住都冇地方處，一家三口迫係一個2-300呎既空間係香港並不罕見，我有好多少都唔明D人，明明已經好迫，點解仲要搞到一屋都係野？我同好多身邊既人都傾過呢個問題，發生主要原因分２類。第一就係D野有用怕浪費。好多野其實你唔會成日用而當一用既時間買左，又要花空間去放。久而久之就一屋都係果Ｄ好耐都唔會用既野。第二就係收藏用回憾，呢個其實好多人都會有，人係演化心理學上已經有儲野既習慣，好大程度上係因為以前生活冇安全感，要手邊有夠足既野先有果種安心既感覺。簡單Ｄ黎講就係心癮，有錢有時間有空間，其實冇所謂，最大問題就係當你冇既時間仲要咁儲法，會唔會分清楚個先後次序，會令你活得自在Ｄ呢？

極簡主義減少浪費
窮生其實都算係一個極簡主義既入門級人士，因為我生活一向簡樸，物慾亦都唔多。窮生生於呢個極端資本主義既香港，對消費反而係一D興趣都冇，行街好難見到有樣野我係好想買。老土少少講就係，窮生覺得要分清楚咩係Need同Want。只要你分得清楚，你就會發現你日常生活之中有超過一半既消費係不必要。而呢d不必要既消費就令你要加倍地工作，到頭來為左一樣你冇咁需要既野，迫自己去做一件你非常唔想做既野（返工）。

極簡主義的less is more精神
上面其實都開左個引子，極簡主義由於要消費既野極少。你成盤數就變得非常易明清楚，思路亦會比之前清晰，因為係你身邊既野很少，反而令你更清楚自己既目標。唔講咁深，就你屋企而言，你會好清楚你屋企作用係乜，有ｄ咩係應該要有而你未有，有ｄ咩係你唔需要，由物件慢慢推展到身邊既事物。而窮生自己發展出既精神就係，透過極簡的外功(減少不必要消費)而得出的內功，就係因為唔需要洗好多錢，亦能夠減少不必要工作。由自己最不想要做的東西開始慢慢減少，你就可以慢慢有餘暇發長相對比較喜歡的工作收入，呢個轉化過程極簡主義能夠較易令你達到目標。平時你要20K去RUN既生活，而家如果你10K可以RUN到，姐係話你可以減少一點你的辛苦收入，去發展自己喜歡的收入來源，終極目標是100%喜歡的收入來源，你一日不放棄過度消費，你一日都係行一條有錢就得既工作之路，如果你可以3-5年搵夠還好，更多的就是月光的永恆輪迴。

極簡/消費也要了解自己
所謂唔同人活唔同既人生，有人可以有個遠大理想，有人只是平凡過生活。遠大理想都有分要錢定唔洗錢，如果你既理夢要用好多錢先得既，你必須搵好多錢返黎RUN你既人生，沒有一本通書既存在。不過，了解自己既目標係必要。而先透過把自己既生活變簡方便找出自己想要的人生，係窮生暫時覺得最WORK既方法，尤其係香港生活困難，為左過大家夢想既人生，好應該先儲起彈藥for日後真正既夢想，對於充滿末世感覺的香港，窮生只能講一句，共勉之。